Shymkentte úidiń kireberisinde pedofilden zardap shekken 11 jastaǵy balanyń ákesi júrek ustamasynan qaitys boldy, - dep habarlaidy Tengrinews.kz tilshisi balanyń ájesine silteme jasap.
Osy jaǵdai bolǵannan keiin birneshe kúnnen soń 11 jastaǵy balanyń ákesi júrek ustamasynan kóz jumyp otyr. Týystarynyń aitýynsha, otaǵasy tuńǵysh ulynyń tap bolǵan jaǵdaiyna ýaiymdap, aqyry shydai almaǵan.
"Oilamaǵan jerden boldy. Ol osyǵan deiin densaýlyǵyna esh shaǵymdanyp kórgen emes, esh jerde esepte turǵan joq. Bul ońai emes eken, ásirese er adamdarǵa mundai jaǵdaidy bastan keshý ońai emes. Júregi ustap qaldy", - deidi balanyń ájesi.
Er adam dánekerleýshi bolyp jumys istegen, al áieli toqyma óndirisinde operator bolyp jumys isteidi. Balanyń anasy dekretke shyqqaly beri er adam otbasyn ózi asyraǵan. Ájesiniń aitýynsha, qazir balamen psihologtar jumys istep jatyr.
Sondai-aq, ájesiniń aitýynsha bala qylmyskerdi kórgende qatty qobaljyp ketken. Onyń barlyǵy videoǵa túsirilgen. Bul sot protsesi barysynda videony kórsetip, balany onda aparmaý úshin jasalyp otyr.
Politseilerdiń málimetinshe, bul oqiǵa 1 shildede bolǵan.
Áleýmettik jelilerde taralǵan video kadrlarynan er adamnyń balany úidiń kireberisinde kirgizip, baspaldaq alańynda turǵanyn kórýge bolady. Sondai-aq, syrtqy beinebaqylaý kamerasyna jazylǵan video tarap jatyr. Onda bir áieldiń úige kirgenin, artynsha er adamnyń qashyp shyqqanyn kórýge bolady. Áiel bolsa er adamnyń artynan qýady.
Eske sala keteiik, munyń aldynda shymkenttik zeinetker balaǵa shabýyldaǵan er adamnan qalai aman alyp qalǵanyn aityp bergen edi. Al keiinirek shabýyl qurbany balanyń ájesi oqiǵanyń qalai bolǵanyn aitqan bolatyn.
Politsiiadaǵylardyń málimetinshe, balaǵa shabýyl jasaǵan er adam Shymkent qalasynyń 33 jastaǵy turǵyny bolyp shyqty. Qazir ol ýaqytsha ustaý izoliatoryna qamaldy.
