Shymkent qalasynda sáýlet jáne qala qurylysy basqarmasynyń basshysy 10 jylǵa sottaldy, dep habarlaidy "Ult aqparat".
«Sybailas jemqorlyq táýekelderi memlekettik satyp alý rásimderin ótkizý kezinde de tirkelýde. Mysaly ótken aptada Shymkent qalasynda sáýlet jáne qala qurylysy basqarmasynyń basshysy qylmystyq jolmen tabylǵan qarajatqa satyp alynǵan múlki tárkilenip, 10 jylǵa bas bostandyǵynan aiyryldy. Al «InvestStroiProekt LTD» JShS direktory 10 jylǵa materialdyq jaýapkershilikpen bailanysty qyzmetpen ainalysý quqyǵynan aiyryla otyryp, 8 jylǵa bas bostandyǵynan aiyryldy», - dedi agenttiktiń asa mańyzdy ister jónindegi tergeýshisi Daniiar Bekaidarov onlain baspasóz máslihatynda.
Daniiar Bekaidarovtyń aitýynsha, olar Shymkent qalasynyń topografiialyq túsirilim boiynsha 49500 ga (1:500 aýqymda) aýmaqtaǵy jumysty memlekettik satyp alý kezinde qylmys jasaǵan. 498 mln teńge somasynda biýdjet qarajatyn jymqyrý kúdigine ilingen. Sol úshin sottalǵan.
