Shymkentte ózine qol salǵan jas muǵalimge qatysty qylmystyq is qozǵaldy, dep habarlady otyrar.kz.
Mekteptegi qaiǵyly oqiǵaǵa qatysty jańa derekter shyqty. Marqum bolǵan pedagogty týystary keshe, iaǵni 22 sáýir kúni jerlegen. Qaiǵyly jaǵdai 21 sáýir kúni Asar shaǵyn aýdanyndaǵy №90 mektepte bolǵan.
Informatika páni muǵaliminiń máiiti kabinetten tabylǵan. Mektep ákimshiligi, áriptesteri marqumdy isker ári eńbeqqor muǵalim bolǵan dep eske alady. Sondai-aq muǵalimniń týystary bilim uiasyna eshqandai aryzymyz joq dep qolhat jazyp bergen. Osy jaǵdaiǵa bailanysty Qarataý aýdandyq IIB tekserý jumystaryn júrgizip jatyr.
"Sol kúni azanda úiden jaqsy kóńil-kúimen shyǵyp ketti. Tús qaita qaiǵyly jaǵdaidy estidik. Ózimiz mektepten tikelei Maqtaraldaǵy aýylyna jetkizdik. Munan aldyn eshkimmen uryspaǵan. Áriptesterimen sózge kelmegen. Bul otbasyndaǵy bir jyl ishindegi ekinshi qaiǵyly jaǵdai. Munan aldyn týǵan inisi úiinde ózine qol jumsap, kóz jumǵan edi", — deidi marqumnyń naǵashy aǵasy Ákimbek Toishyqbaev.
