شىمكەنتتە ٶزٸنە قول سالعان جاس مۇعالٸمگە قاتىستى قىلمىستىق ٸس قوزعالدى, دەپ حابارلادى otyrar.kz.
مەكتەپتەگٸ قايعىلى وقيعاعا قاتىستى جاڭا دەرەكتەر شىقتى. مارقۇم بولعان پەداگوگتى تۋىستارى كەشە, ياعني 22 سەۋٸر كٷنٸ جەرلەگەن. قايعىلى جاعداي 21 سەۋٸر كٷنٸ اسار شاعىن اۋدانىنداعى №90 مەكتەپتە بولعان.
ينفورماتيكا پەنٸ مۇعالٸمٸنٸڭ مەيٸتٸ كابينەتتەن تابىلعان. مەكتەپ ەكٸمشٸلٸگٸ, ەرٸپتەستەرٸ مارقۇمدى ٸسكەر ەرٸ ەڭبەققور مۇعالٸم بولعان دەپ ەسكە الادى. سونداي-اق مۇعالٸمنٸڭ تۋىستارى بٸلٸم ۇياسىنا ەشقانداي ارىزىمىز جوق دەپ قولحات جازىپ بەرگەن. وسى جاعدايعا بايلانىستى قاراتاۋ اۋداندىق ٸٸب تەكسەرۋ جۇمىستارىن جٷرگٸزٸپ جاتىر.
"سول كٷنٸ ازاندا ٷيدەن جاقسى كٶڭٸل-كٷيمەن شىعىپ كەتتٸ. تٷس قايتا قايعىلى جاعدايدى ەستٸدٸك. ٶزٸمٸز مەكتەپتەن تٸكەلەي ماقتارالداعى اۋىلىنا جەتكٸزدٸك. مۇنان الدىن ەشكٸممەن ۇرىسپاعان. ەرٸپتەستەرٸمەن سٶزگە كەلمەگەن. بۇل وتباسىنداعى بٸر جىل ٸشٸندەگٸ ەكٸنشٸ قايعىلى جاعداي. مۇنان الدىن تۋعان ٸنٸسٸ ٷيٸندە ٶزٸنە قول جۇمساپ, كٶز جۇمعان ەدٸ", — دەيدٸ مارقۇمنىڭ ناعاشى اعاسى ەكٸمبەك تويشىقباەۆ.
