QR Densaýlyq saqtaý ministrliginiń resmi ókili Baǵdat Qojahmetov koronavirýs juqtyrý deregi azaiǵan óńirlerdi atady, dep habarlaidy "Ult aqparat".
«Sońǵy bir táýlikte Shymkent qalasynda koronavirýs infektsiiasynyń birde-bir oqiǵasy tirkelgen joq. Iaǵni, bul qaladan koronoavirýs juqtyrǵan naýqas tabylmady. Mańǵystaý jáne Aqtóbe oblystarynda bir oqiǵadan ǵana tirkeldi. Bul bizdi qýantpai qoimaidy. Bul osy óńirlerdegi turǵyndardyń qaýipsizdik sharalary men sanitarlyq talaptardy saqtaǵanyn, bir-birine qurmetpen qaraǵanyn bildiredi. Jáne osy turǵyndar elimizdiń ózge de aimaqtaryna úlgi bolady dep úmittenemiz», - dedi resmi ókil Ortalyq kommýnikatsiialar qyzmetinde ótken brifingte.
