Foto: Polisia.kz
Shymkentte mektep oqýshysyn qaǵyp ketken júrgizýshi qamaýǵa alyndy. Kámeletke tolmaǵan bala oqiǵa ornynda kóz jumdy, – dep habarlaidy "Ult aqparat" Polisia.kz saityna silteme jasap.
"7 qazan keshki saǵat 18:45 shamasynda Arǵynbekov kóshesiniń boiynda BMW-530 avtokóliginiń júrgizýshisi kámeletke tolmaǵan jaiaý júrginshini qaǵyp, jol-kólik oqiǵasyn jasady. Saldarynan 9 jasar bala oqiǵa ornynda qaitys boldy.
Istiń mán-jaiyn anyqtaýǵa Shymkent qalasy PD-nyń anyqtaýshylary men kriminalisteri bardy. Jol-patrýldik politsiia qyzmetkerleri oqiǵa ornyn qorshaýǵa aldy.
Politseiler atalǵan jaitty QR QK-niń 345-baby 3-bóligi (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn abaisyzda adam ólimine ákep soqqan buzýy) boiynsha tirkedi.
Anyqtaýshylar qajetti saraptamalardy taǵaiyndady. Júrgizýshi ýaqytsha ustaý izoliatoryna qamaýǵa alyndy" - delingen IIM baspasóz qyzmeti habarlamasynda.
Qazirgi tańda sotqa deiingi tergeý amaldary júrgizilip jatyr. Aldaǵy ýaqytta is sotqa joldanady.
Politsiia qyzmetkerleri qaiǵyly oqiǵalardy boldyrmaý úshin jol qozǵalysyna qatysýshylardan jol erejelerin qatań saqtaýdy suraidy.
