فوتو: Polisia.kz
شىمكەنتتە مەكتەپ وقۋشىسىن قاعىپ كەتكەن جٷرگٸزۋشٸ قاماۋعا الىندى. كەمەلەتكە تولماعان بالا وقيعا ورنىندا كٶز جۇمدى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
"7 قازان كەشكٸ ساعات 18:45 شاماسىندا ارعىنبەكوۆ كٶشەسٸنٸڭ بويىندا BMW-530 اۆتوكٶلٸگٸنٸڭ جٷرگٸزۋشٸسٸ كەمەلەتكە تولماعان جاياۋ جٷرگٸنشٸنٸ قاعىپ, جول-كٶلٸك وقيعاسىن جاسادى. سالدارىنان 9 جاسار بالا وقيعا ورنىندا قايتىس بولدى.
ٸستٸڭ مەن-جايىن انىقتاۋعا شىمكەنت قالاسى پد-نىڭ انىقتاۋشىلارى مەن كريميناليستەرٸ باردى. جول-پاترۋلدٸك پوليتسييا قىزمەتكەرلەرٸ وقيعا ورنىن قورشاۋعا الدى.
پوليتسەيلەر اتالعان جايتتى قر قك-نٸڭ 345-بابى 3-بٶلٸگٸ (كٶلiك قۇرالدارىن باسقاراتىن ادامداردىڭ جول جٷرٸسٸ نەمەسە كٶلiك قۇرالدارىن پايدالانۋ قاعيدالارىن ابايسىزدا ادام ٶلٸمٸنە ەكەپ سوققان بۇزۋى) بويىنشا تٸركەدٸ.
انىقتاۋشىلار قاجەتتٸ ساراپتامالاردى تاعايىندادى. جٷرگٸزۋشٸ ۋاقىتشا ۇستاۋ يزولياتورىنا قاماۋعا الىندى" - دەلٸنگەن ٸٸم باسپاسٶز قىزمەتٸ حابارلاماسىندا.
قازٸرگٸ تاڭدا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. الداعى ۋاقىتتا ٸس سوتقا جولدانادى.
پوليتسييا قىزمەتكەرلەرٸ قايعىلى وقيعالاردى بولدىرماۋ ٷشٸن جول قوزعالىسىنا قاتىسۋشىلاردان جول ەرەجەلەرٸن قاتاڭ ساقتاۋدى سۇرايدى.
