Foto: gov.kz
Quqyqtyq statistika jáne arnaiy esepke alý organdarynyń portalynda 48 jastaǵy Qýanysh Dáýletálievti izdeý týraly aqparat jariialandy.
Qamqor.gov.kz derekterine sáikes, Qýanysh Dáýletálievke qatysty izdeý isi 2 qyrkúiekte Shymkentte tirkelgen.
Ony Turan aýdanynyń politsiia basqarmasy izdestirip jatyr. Izdestirýdi bastaǵan — sot. Kartochkada onyń jeke derekteri, sonyń ishinde týǵan kúni men azamattyǵy, sondai-aq izdeýmen ainalysatyn organnyń bailanys telefony kórsetilgen.
Shymkent qalasy máslihatynyń resmi saitynda Dáýletáliev týraly ómirbaiandyq anyqtama berilgen.
Ol Shymkent qalasynda dúniege kelgen, № 66 mektepti bitirgen. 2014 jyly Aimaqtyq áleýmettik-innovatsiialyq ýniversitettiń zań fakýltetin támamdap, zańger biliktiligin alǵan.
Eńbek joly:
— 2000–2009 jyldary — jeke kásipker;
— 2009–2015 jyldary — «Senim-Qurylys» JShS-niń kommertsiialyq ister jónindegi direktordyń orynbasary;
— 2015 jyldan bastap — «BOINIS KS» JShS direktorynyń orynbasary;
— máslihattaǵy «Aýyl» partiiasynyń depýtattyq fraktsiiasyn basqarǵan.
Shymkent qalalyq sotynyń aqparatyna súiensek, QPK-niń 201-babyna sáikes qylmystyq istiń mán-jaiyna qatysty málimetter jariia etýge jatpaidy.
— Qylmystyq is sotqa deiingi tergeý satysynda bolǵandyqtan, barlyq másele boiynsha tergeý organdaryna nemese prokýratýraǵa júginýdi suraimyz, — delingen sottyń baspasóz qyzmeti usynǵan aqparatta.
