Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Shymkentte mádeniet qyzmetkerleri basshylyqtyń qyzmetten ketýin talap etti

Ult portaly
Shymkentte mádeniet qyzmetkerleri basshylyqtyń qyzmetten ketýin talap etti

Sýret: 24.kz

Shymkentte mádeniet qyzmetkerleri narazylyqqa shyqty. Olar basqarma bastyǵy mansabynan ketsin degen talap qoiyp otyr. Áitpese óner adamdaryn qýdalaý men qysym kórsetý tyiylmai turǵanyn aitady, - dep habarlaidy Tengrinews.kz tilshisi "Habar 24" telearnasyna silteme jasap. 

Mádeniet mekemesiniń basshylary jumys ornyna emes, dóńgelek ústel basyna jinaldy. Shahardyń rýhaniiatyn damytýǵa eńbek sińirgender qiyndyqqa tap boldyq dep otyr. Máselen, aitys aqyny Anar Japparqulova kitaphana basqaramyn dep basy daýǵa qalǵanyn aitady. Bar másele zańsyz qujatqa qol qoiǵyzbaq bolǵan basqarma basshysynyń talabyn oryndamaǵannan bastalypty. Sol sebepti qyryn qarap, sotqa súiregenin aitady.

"Ol kisi sondai qysym jasaǵannan keiin jedel járdemmen aýrýhanaǵa tústim. Sol aýyrǵannan keiin dereý habarladym. Ózimniń orynbasaryma, býhgalterime habarladym. Olar estidi. Aýrýhanaǵa juma kúni tústim. Biraq dúisenbide men jumystamyn, direktormyn dep oilap júrmin. Seisenbide bul kisi meni artqy kúnmen jumystan shyǵaryp jiberdi. Bultartpas dáleldermen sotta jeńip shyqtym. Sotta jeńip shyqqannan keiin bul kisi meni jumysqa qabyldaǵan joq. 3 ailyq jalaqysy dereý oryndalsyn degendi oryndaǵan joq. Eki aidan keiin qaita qabyldandym", - dedi qalalyq Ál-Farabi atyndaǵy ǵylymi-ámbebap kitaphanasynyń direktory Anar Japparqulova.

Mádeniet salasynyń qyzmetkerleri kúnde qysym kóremiz dep ashynyp otyr. Qala aýmaǵynda ótkiziletin is-sharalarǵa qomaqty qarjy bólinedi. Biraq biz bir tiyn da almaimyz, deidi olar.

"Osydan 3-4 jyl buryn-aq is-shara ótken kezderde ondai qarjy bólinbeitin. Bir spektaklge 70 million teńge, deidi. Ań-tań qaldym. Bir baiqaýdy ótkizýge 30 million deidi. Bir is-sharany ótkizýge, MýzArtty shaqyrýǵa 30 million deidi. Sodan keiin barlyq jasalǵan kelisimshart bir kózden degen nárseni oqyp qaldym. Sosyn shyndyǵynda da, oilanyp qaldym", - deidi QR mádeniet qairatkeri Bastarbek Pirimbetov.

Al basqarma basshysynyń ózi qyzmetkerleriniń aryz-shaǵymyn negizsiz dep otyr. Jumystan eshkimdi de sebepsiz shyǵarmaǵanyn aitady. Al biýdjet qarjysynyń qaida jumsalǵanyn tiynyna deiin eseptep berýge daiyn ekenin aitty.

"2020 jyldan beri barlyǵy bes mekemeniń basshysy jumysynan bosatyldy. Olardyń biri jasy jetip, zeinetkerlikke shyqty. Endi biri jumys ornynda masań halde bolyp, jumystan shyǵaryldy. Taǵy bir direktor óz menshigindegi úiine barlyq qyzmetkerlerin aparyp, jóndeý jumystaryn júrgizgeni úshin qýyldy", - deidi qalalyq mádeniet, tilderdi damytý jáne arhivter basqarmasynyń basshysy Hanzada Esenova.

Telearna tilshisiniń sózinshe, endi mádeniet basqarmasyna qarasty 12 mekemeniń basshylary alǵan betimizden qaitpaimyz dep bekinip otyr. Memleket basshysynyń atyna ashyq hat joldap, ony Bas prokýratýra men Antikorǵa da ótkizgen. 

Oqi otyryńyz