Shymkentte qyz alyp qashý jaity boiynsha sotaldy tergeý bastaldy, - dep habarlaidy Massaget.kz.
Buǵan deiin Jelide beitanys adamdardyń qyzdy kúshtep kólikke otyrǵyzyp, belgisiz baǵytqa alyp bara jatqany kórsetilgen video tarady.
"Jariialanǵan materialǵa qatysty Shymkent qalasy PD Uiymdasqan qylmysqa qarsy kúres basqarmasynyń qyzmetkerleri tekserý jumystaryn júrgizdi. Sondai-aq, jedel izdestirý sharalary barysynda jazbadaǵy keiipkerlerdiń jeke basyn anyqtady. Olar - Túrkistan oblysynyń turǵyndary", - delingen habarlamada.
Urlaýǵa qatysqannyń barlyǵy jáne qyz týystarymen birge Ál-Farabi aýdandyq politsiia basqarmasyna jetkizildi.
"Tergeý barysynda politsiia qyzmetkerleri jigit óziniń tanysyn úilený maqsatynda alyp qashqanyn anyqtady. Jábirlenýshi men onyń ata-anasy eshkimge shaǵymy joq ekenin aityp, aryz jazýdan bas tartty", - delingen habarlamada.
Politsiia basqarmasy adam urlaý deregi boiynsha QR Qylmystyq kodekstiń 125-baby boiynsha sotaldy tergeý amaldaryn bastady. Is departament basshylyǵy men qalalyq prokýratýranyń baqylaýynda.
