Ishki ister ministrligi Shymkentte qylmystyq toptardy ustady, dep habarlaidy Polisia.kz.
Jyl basynan beri Shymkentte aýyr jáne asa aýyr qylmystar jasaýǵa qatysy bar 10-nan astam top quryqtalǵan.
8 qazanda uiymdasqan qylmysqa qarsy kúres basqarmasy jedel is-sharalardyń nátijesinde oiyn-saýyq mekemelerine qylmystyq qamqorshylyq kórsetken jastar tobyn ustady. Olardyń bopsalaýǵa, buzaqylyqqa jáne qarýdy zańsyz saqtaýǵa qatysy bolǵany týraly málimetter alyndy.
11 qazanda Shymkent kásipkerlerin bopsalaýǵa qatysy bar basqa qylmystyq toptyń músheleri ustaldy. Olar ózderiniń qylmystyq qamqorlyǵy úshin úsh million teńgege deiin alǵan. Kelispegen jaǵdaida fizikalyq jáne moraldyq qysym jasaǵan.
Osy faktiler boiynsha ishki ister organdaryna barlyǵy 35 figýrant jetkizildi, 100-den astam tintý sharalary júrgizildi. Qarý-jaraq pen oq-dári tárkilendi.
"Aita ketý kerek, jyl basynan beri Shymkent qalasynda qylmystyq toptardyń jolyn kesý barysynda 30-dan astam atys jáne travmatikalyq qarý, onyń ishinde bir Kalashnikov avtomaty, 15 sholaq myltyq, 11 tapansha, eki vinchester jáne myńnan astam oq-dári tárkilendi. Óńirlerde “zań jáne tártip” qaǵidatyn qamtamasyz etý boiynsha jumys erekshe baqylaýda, - dedi IIM uiymdasqan qylmysqa qarsy departamentiniń ókili Qýandyq Alpys.
Eske salaiyq, IIM Qazaqstannyń birden úsh oblysynda qylmystyq toptardy áshkerelegen edi.
