Shymkentte 8 adamnan qurylǵan uiymdasqan qylmystyq top músheleri ustaldy, dep habarlaidy "Ult aqparat".
QR Qarjy ministrligi Qarjy monitoringi komitetiniń Shymkent qalasy boiynsha Ekonomikalyq tergeý departamentiniń ókilderi materialdyq syiaqyǵa qarajatty qolma-qolǵa aqshaǵa ainaldyra otyryp, is júzinde jumystardy oryndamai, qyzmetter kórsetpei, taýarlar tiep-jóneltilmei shot-faktýra jazýmen ainalysqan 8 tulǵadan quralǵan uiymdasqan qylmystyq toptyń zańsyz qyzmetin anyqtady.
Tergeý barysynda qylmystyq toptyń 2017-2020 jyldar aralyǵynda kommertsiialyq uiymdarǵa 7,7 mlrd. astam teńgeni quraityn salyqtan jaltarý maqsatynda jalǵan shot-faktýra jazý boiynsha qyzmetter kórsetkeni belgili boldy.
«Uuiymdasqan qylmystyq top múshelerine qatysty QR QK-niń 28-b. 3-b., 216-b. 3-b. (jalǵan shot-faktýra jazý), 262-b. 1 jáne 2-b. (uiymdasqan qylmystyq topty qurý jáne basqarý), 241-b. (býhgalterlik esep pen qarjylyq eseptilik týraly zańnamasyn buzý), 24-b. 3-b., 190-b. 3-b. (alaiaqtyq) sáikes qylmystyq is sotqa joldandy»,-delingen habarlamada.
