Shymkentte qylmystyq top memleketke 1,9 mlrd teńgege zalal keltirdi. Qylmystyq qolma-qol aqshaǵa ie bolý maqsatynda jalǵan firmalar kóptegen zańsyz shemalardy qoldanady. Sol arqyly josyqsyz kompaniialarǵa salyq tóleýden jaltarýǵa kómek kórsetken, dep habarlaidy QazAqparat Qarjylyq monitoring agenttigine silteme jasap.
Agenttiktiń Shymkent qalasy boiynsha aýmaqtyq departamenti 13 adamnan quralǵan qylmystyq topty anyqtady. Toptyń quramynda A.Qurbanov, I.Rýzahýnov, N.Mamyrbekov, D. Smorodin, M. Ziemuhamedov, A. Maslov, B.Mamatqalyqov, P. Jorabaev, I. Kondratev, A. Kliýchnikov, R.Hinizov, B. Abylaihanov, A. Shebelnikov bolǵan.
«Tergeý barysynda 2019-2020 jyldar aralyǵynda qylmystyq top qolma-qol aqshaǵa aýdaratyn 18 firma atynan jalǵan shot-faktýra shyǵarýmen ainalysqany anyqtaldy. Osy jyldar ishinde bul firmalardyń zańsyz ainalymy 8,3 milliard teńgege jetken. Onyń ishinde kompaniialardyń bank shottarynan 3,6 milliard teńge qolma-qol aqshaǵa ainaldyryldy», delingen habarlamada.
Vedomstvonyń málimetinshe, 18 kompaniianyń kásipkerlik qyzmetti júzege asyrý úshin qajetti óndiristik-tehnikalyq bazasy, qyzmetkerler shtaty jáne qoimasy bolmaǵan.
Qylmystyq áreketterdiń nátijesinde memleketke tólenbegen salyq túrinde 1,9 milliard teńgeden astam zalal keltirilgen.
Agenttiktiń málimetinshe, top músheleri ártúrli merzimge 2 jyldan 4 jylǵa deiin bas bostandyǵynan aiyryldy.
