شىمكەنتتە قىلمىستىق توپ مەملەكەتكە 1,9 ملرد تەڭگەگە زالال كەلتٸردٸ. قىلمىستىق قولما-قول اقشاعا يە بولۋ ماقساتىندا جالعان فيرمالار كٶپتەگەن زاڭسىز سحەمالاردى قولدانادى. سول ارقىلى جوسىقسىز كومپانييالارعا سالىق تٶلەۋدەن جالتارۋعا كٶمەك كٶرسەتكەن, دەپ حابارلايدى قازاقپارات قارجىلىق مونيتورينگ اگەنتتٸگٸنە سٸلتەمە جاساپ.
اگەنتتٸكتٸڭ شىمكەنت قالاسى بويىنشا اۋماقتىق دەپارتامەنتٸ 13 ادامنان قۇرالعان قىلمىستىق توپتى انىقتادى. توپتىڭ قۇرامىندا ا.قۇربانوۆ, ي.رۋزاحۋنوۆ, ن.مامىربەكوۆ, د. سمورودين, م. زيەمۇحامەدوۆ, ا. ماسلوۆ, ب.ماماتقالىقوۆ, پ. جوراباەۆ, ي. كوندراتەۆ, ا. كليۋچنيكوۆ, ر.حينيزوۆ, ب. ابىلايحانوۆ, ا. ششەبەلنيكوۆ بولعان.
«تەرگەۋ بارىسىندا 2019-2020 جىلدار ارالىعىندا قىلمىستىق توپ قولما-قول اقشاعا اۋداراتىن 18 فيرما اتىنان جالعان شوت-فاكتۋرا شىعارۋمەن اينالىسقانى انىقتالدى. وسى جىلدار ٸشٸندە بۇل فيرمالاردىڭ زاڭسىز اينالىمى 8,3 ميلليارد تەڭگەگە جەتكەن. ونىڭ ٸشٸندە كومپانييالاردىڭ بانك شوتتارىنان 3,6 ميلليارد تەڭگە قولما-قول اقشاعا اينالدىرىلدى», دەلٸنگەن حابارلامادا.
ۆەدومستۆونىڭ مەلٸمەتٸنشە, 18 كومپانييانىڭ كەسٸپكەرلٸك قىزمەتتٸ جٷزەگە اسىرۋ ٷشٸن قاجەتتٸ ٶندٸرٸستٸك-تەحنيكالىق بازاسى, قىزمەتكەرلەر شتاتى جەنە قويماسى بولماعان.
قىلمىستىق ەرەكەتتەردٸڭ نەتيجەسٸندە مەملەكەتكە تٶلەنبەگەن سالىق تٷرٸندە 1,9 ميلليارد تەڭگەدەن استام زالال كەلتٸرٸلگەن.
اگەنتتٸكتٸڭ مەلٸمەتٸنشە, توپ مٷشەلەرٸ ەرتٷرلٸ مەرزٸمگە 2 جىلدان 4 جىلعا دەيٸن باس بوستاندىعىنان ايىرىلدى.
