Shymkentte kovidtiń yqtimal tolqynyna úsh stsenarii boiynsha daiyndyq júrgizilýde. Bul týraly qala ákimi Murat Áitenov málimdedi, dep habarlaidy QazAqparat.
Shahar basshysynyń aitýynsha, búginde qala A stsenariimen jumys jasap jatyr. Al, V jáne S stsenariige 100 paiyz tolyq daiyndalǵan.
«A – aǵymdaǵy jaǵdai 1 290 tósek-oryndy qamtidy. V – maýsymdyq epidemiologiialyq jaǵdai nasharlasa, tósek-oryn sany 4 016-ǵa deiin artady. S – epidemiologiialyq daǵdarys oryn alsa, 5 416 tósek-oryn ashylady. Qala turǵyndaryna qyzmet kórsetetin 11 PTR zerthanasy jumys jasaýda. Zerthanalarda 1 kúnde 6 200 test jasaýǵa múmkindik bar. Barlyǵy 349 518 PTR test ótkizildi. 19 sáýirde 1 312 PTR test jasalǵan. Azamattardy vaktsinatsiialaý úshin 38 beket uiymdastyrylyp, búginde 1-shi komponent 67 906, 2-shi komponent 6 918 azamatqa salyndy. Vaktsinatsiialaýǵa 753 meditsina qyzmetkeri oqytylyp, jumyldyryldy», – dedi qala ákimi.
Sondai-aq, Shymkent qalasynyń «qyzyl» aimaqqa kirýine bailanysty 19 sáýirde jergilikti bas sanitariialyq dárigeriniń Densaýlyq saqtaý ministrligimen bekitilgen algoritmge sáikestendirilgen shekteý sharalar týraly qaýlysy shyqqan. Eki apta osy shekteý sharalarynyń tiimdiligin baqylap, epidemiologiialyq jaǵdai nasharlaǵan jaǵdaida qatań shekteý sharalary engizilmek.
