Bas prokýratýranyń 1 qyzmet bastyǵynyń orynbasary Eldos Qilymjanov Shymkentte kóshe kameralaryn qiratqan kúdiktiler týraly málimet berdi, dep habarlaidy QazAqparat.
«Qylmystyq isti tergeý barysynda Shymkent qalasynyń prokýratýrasy 2 qylmyskerdi anyqtady. Olar 6 qańtarda «Gazel» avtokóligimen qala ishinde júrip, Shymkent qalasy politsiia departamentiniń jedel basqarý ortalyǵynyń beinebaqylaý kameralaryn joidy. Kameralardyń zaqymdanýy politsiianyń qoǵamdyq tártipti saqtaý jónindegi jumysyn qiyndatty, memlekettik obektilerge shabýyl jasaǵan qylmyskerlerge nazardan tys qalýǵa múmkindik berdi», - dedi Eldos Qilymjanov.
Onyń málimeti boiynsha, qazir beinejazbalar qalpyna keltirilip, bul qylmysqa qatysy bar adamdar túgel anyqtalyp jatyr.
«Kameralar qalpyna kelgenge deiin «Gazel» júrgizýshisi óziniń jappai tártipsizdikke qatysqanyn joqqa shyǵardy, alaida beinejazbalardan onyń kóliktiń tóbesine minip, joǵaryda ornatylǵan kameralardy isten shyǵarǵan», - dedi QR Bas prokýratýrasynyń 1 qyzmet bastyǵynyń orynbasary.
