Shymkenttegi aýrýhanada koronavirýstan kóz jumǵan naýqas jetisailyq zeinetker ekeni anyqtaldy.
Bul týraly kezekti brifingide qalalyq densaýlyq saqtaý basqarmasy basshysynyń orynbasary Aigúl Bekbaýova málimdedi, dep habarlaidy "Ult aqparat".
Aigúl Bekbaýovanyń aitýynsha, 1954 jyly týǵan zeinetkerdiń jaǵdaiy aýyrlaǵan soń sanitarlyq aviatsiiamen Shymkentke jetkizilgen.
«Jetisai qalasynyń turǵyny aýdandyq aýýhanada koronavirýs infektsiiasyn juqtyrǵan adammen jaqyn bailanysta bolǵan. 1-shi sáýir kúni bul er azamattyń qaýipti indetke shaldyqqany anyqtaldy. 4-shi sáýir kúni jaǵdaiynyń nasharlaýyna bailanysty ol Shymkent qalalyq juqpaly aýrýlar aýrýhanasyna jatqyzylǵan. Onda túsken kezdegi jaǵdaiy aýyr bolǵandyqtan jasandy tynys alý apparatyna qosylǵan. Zeinetkerdiń sondai-aq, ózge de virýstyq geppatit, qant diabeti, baýyr tserrozy, sozylmaly pankreotit sekildi qosalqy aýrýlary bolǵan. Naýqasqa barlyq emdeý sharalary júrgizilip, respýblikalyq mamandarmen birneshe ret keńester ótkizildi. Júrgizilgen reanimatsiialyq sharalarǵa qaramastan ol búgin saǵat 15:00-de qaitys boldy», - dedi Aigúl Bekbaýova.
