شىمكەنتتەگٸ اۋرۋحانادا كوروناۆيرۋستان كٶز جۇمعان ناۋقاس جەتٸسايلىق زەينەتكەر ەكەنٸ انىقتالدى.
بۇل تۋرالى كەزەكتٸ بريفينگٸدە قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگٷل بەكباۋوۆا مەلٸمدەدٸ, دەپ حابارلايدى "ۇلت اقپارات".
ايگٷل بەكباۋوۆانىڭ ايتۋىنشا, 1954 جىلى تۋعان زەينەتكەردٸڭ جاعدايى اۋىرلاعان سوڭ سانيتارلىق اۆياتسييامەن شىمكەنتكە جەتكٸزٸلگەن.
«جەتٸساي قالاسىنىڭ تۇرعىنى اۋداندىق اۋۋحانادا كوروناۆيرۋس ينفەكتسيياسىن جۇقتىرعان اداممەن جاقىن بايلانىستا بولعان. 1-شٸ سەۋٸر كٷنٸ بۇل ەر ازاماتتىڭ قاۋٸپتٸ ٸندەتكە شالدىققانى انىقتالدى. 4-شٸ سەۋٸر كٷنٸ جاعدايىنىڭ ناشارلاۋىنا بايلانىستى ول شىمكەنت قالالىق جۇقپالى اۋرۋلار اۋرۋحاناسىنا جاتقىزىلعان. وندا تٷسكەن كەزدەگٸ جاعدايى اۋىر بولعاندىقتان جاساندى تىنىس الۋ اپپاراتىنا قوسىلعان. زەينەتكەردٸڭ سونداي-اق, ٶزگە دە ۆيرۋستىق گەپپاتيت, قانت ديابەتٸ, باۋىر تسەرروزى, سوزىلمالى پانكرەوتيت سەكٸلدٸ قوسالقى اۋرۋلارى بولعان. ناۋقاسقا بارلىق ەمدەۋ شارالارى جٷرگٸزٸلٸپ, رەسپۋبليكالىق ماماندارمەن بٸرنەشە رەت كەڭەستەر ٶتكٸزٸلدٸ. جٷرگٸزٸلگەن رەانيماتسييالىق شارالارعا قاراماستان ول بٷگٸن ساعات 15:00-دە قايتىس بولدى», - دەدٸ ايگٷل بەكباۋوۆا.
