Shymkentte qoqys arasynan tabylǵan náresteniń anasy 1996 jyly týǵan áiel bolýy yqtimal. Áiel adam poitsiiaǵa jetkizildi, dep habarlaidy QazAqparat.
Keshe, iaǵni 18 qazan kúni politsiiaǵa Rysqulov kóshesiniń boiynda ornalasqan qoqys jáshikterin tazalaý barysynda «LTD-Turmys» JShS-niń qyzmetkerleri jańa týǵan balanyń máiiti bar paket tapqany týraly habarlama túskeni týraly jazǵan bolatynbyz.
Atalǵan fakti boiynsha QR QK-niń 100-babymen (Jańa týǵan balany anasynyń óltirýi) sotqa deiingi tergep-tekserý amaldary bastaldy.
Náresteniń máiitine sot-meditsinalyq saraptama taǵaiyndaldy.
Tergeý barysynda 1996 jyly týylǵan kúdikti azamatsha anyqtalyp, politsiiaǵa jetkizildi.
«QR QPK-giń 201-babyna sáikes ózge aqparat tergeý qupiiasyn saqtaý jáne ony qamtamasyz etý maqsatynda jariia etýge jatpaidy», - delingen habarlamada.
