Shymkentte klizmadan kúiip qalǵan sábi sanaviatsiiamen Almatyǵa jetkizildi. Em qabyldaýǵa barǵan bala Ǵylymi pediatriia jáne balalar hirýrgiia ortalyǵyna jatqyzylǵan. Bul týraly Túrkistan oblystyq densaýlyq saqtaý basqarmasynyń baspasóz hatshysy Mira Súleimenova málimdedi, dep habarlaidy QazAqparat tilshisi.
Baspasóz hatshysynyń sózinshe, 10 ailyq sábidi Almatyǵa aýystyrý máselesi anasynyń ótinishi boiynsha sheshilgen.
«Balanyń ishki aǵzalaryn tolyq tekserý úshin on kúndei ýaqyt kerek bolǵan. Sebebi, ishektegi kúiiktiń orny jazylmaiynsha ony ÝDZ apparatymen kórý qiyndyq týǵyzady. Degenmen, Túrkistan oblystyq klinikalyq balalar aýrýhanasynyń dárigerleri tiisti emdik sharalaryn jasap, alǵashqy kómekti kórsetti. Soǵan qaramastan anasy em-domdy Almatyda jasasa degen ótinishin bildirdi. Osydan keiin balaǵa joldama daiyndalyp, sanitarlyq aviatsiiamen Almatyǵa aýystyryldy. Dárigerler ondaǵy áriptesterimen bailanysyp otyr. Bala aman-esen sondaǵy ortalyqqa jetkizilip, jatqyzyldy», - dedi Mira Súleimenova.
Aita keteiik, Shymkentte qalalyq juqpaly aýrýlar aýrýhanasynyń mpedbikeleri em qabyldap jatqan balanyń tik ishegine ystyq sý jiberip, kúidirip qoiǵan bolatyn. Saldarynan náreste aýrýhananyń jansaqtaý bóliminen bir-aq shyqty. Osydan keiin aýrýhanada jappai tekserý sharalary júrgizilip, eki medbike men aǵa medbike ýaqytsha jumystan shettetildi. Sala mamandary balaǵa klizma 50-60 gradýs ystyq sýmen jasalǵanyn anyqtap, termiialyq kúiik shalǵanyn rastady. Qalada balalardyń kúiik bólimshesi bolmaýyna bailanysty naýqas oblystyq klinikalyq balalar aýrýhanasyna aýystyrylǵan bolatyn.
Sondai-aq, bul jaǵdaiǵa qatysty densaýlyq saqtaý ministri Eljan Birtanov pikir bildirdi.
