© elements.envato.com
Shymkentte kisi óltirdi degen kúdikti tergeý izoliatorynda óz-ózine qol jumsady. Qalalyq qylmystyq-atqarý júiesi departamentiniń málimetinshe, er adam túnde tamyryn kesip tastaǵan, - dep habarlaidy Tengrinews.kz tilshisi.
1962 jyly týǵan er adam biylǵy naýryz aiynyń ortasynda kisi óltirý isi boiynsha kúdikti retinde ustalǵan. Aiyptalýshy 2022 jyldyń 20 sáýirine ózine qol jumsaǵan. Ol beinebaqylaý kameralaryna túsip qalmaýy úshin kórpe jamylypty. Onymen birge kamerada taǵy bes-alty adam bolǵan.
Mekeme qyzmetkerleri dárigerge deiingi alǵashqy kómek kórsetý boiynsha sharalar qabyldaǵan, jedel meditsinalyq járdem brigadasy shaqyrylǵan. Oqiǵa ornyna jetken jedel meditsinalyq kómek qyzmetkerleri kúdikti qan joǵaltýdan qaitys boldy dep málimdedi.
"Bul derek boiynsha Departamentte qyzmettik tergeý júrgizildi, onyń nátijeleri boiynsha qyzmetkerler jaýapkershilikke tartyldy. 11 mamyrda jasalǵan sýitsid pen qashý deregi ózara bailanysty emes ekenin eskerý kerek. Qashqan adam mekemege 7 mamyrda keldi", - dedi Shymkent qalasy jáne Túrkistan oblysy QAJD baspasóz qyzmeti ókilderi.
Sondai-aq, QAJD kúdiktiniń buryn kisi óltirgeni úshin sotty bolǵanyn habarlady.
