© Sputnik / Abzal Kaliev
Shymkent qalasynda "QazMunaiGaz Invest" qarjy piramidasynyń zańsyz qyzmeti toqtatyldy, dep habarlaidy Sputnik Qazaqstan.
Qarjylyq monitoring agenttigi taratqan aqparatqa sáikes, piramidany uiymdastyrǵandar "QazMunaiGaz" ulttyq kompaniiasynyń aktsiialaryn satyp alý arqyly jyldam jáne kóp tabys tabýǵa ýáde bergen. Salymshylarǵa 15 kún saiyn 50% kiris túsetinin aitqan.
"Alaida is júzinde eshqandai baǵaly qaǵazdar satyp alynbaǵan. Tólemder tek jańadan tartylǵan qatysýshylardyń qarajaty esebinen júzege asyrylǵan", - deidi agenttik mamandary.
Bastapqy salym somasy 500 myń teńgeden bolǵan. Kúdiktiler shamamen 200 adamdy aldap, jalpy 1 mlrd teńgeden astam aqshany jinap alypty. Sonyń bir bóligi – 438 mln teńgeni eki qymbat kólik ("Tank 500", "BMW X5"), turǵyn úi jáne kommertsiialyq nysan (meiramhana) satyp alǵan. Al tárkileýden jasyrý maqsatynda múlikti týystarynyń atyna rásimdelgen. Sot sanktsiiasymen atalǵan múlikke tyiym salyndy.
Kúdiktilerdiń barlyǵy qamaýǵa alyndy.
