© Sputnik / Dáýren Erbolat
Shymkent qalasynda alǵash ret máiit aǵzasynyń transplantatsiiasy jasaldy, dep habarlaidy Sputnik Qazaqstan agenttigi Habar 24 arnasyna silteme jasap.
Qalalyq klinikalyq aýrýhanada jasalǵan operatsiia alty saǵatqa sozyldy. Qaitys bolǵan er adamnyń baýyry naýqasqa salyndy. Ol baýyr tsirrozyna shaldyqqan. Densaýlyq saqtaý basqarmasynyń málimetine sáikes, qazirgi kezdi naýqas jansaqtaý bóliminen palataǵa aýystyryldy. 5 jyldan beri dispanserlik esepte turǵan 44 jastaǵy er adamnyń jaǵdaiy birqalypty. Jaqyn arada aýrýhanadan shyǵarylýy múmkin. Dárigerler onyń jaǵdaiyn jiti baqylaýda ustap otyr.
"Osy aptanyń sońyna deiin naýqastyń jaǵdaiyna qarai úiine shyǵarý josparlanyp otyr. Árine ol ambýlatoriialyq deńgeide jáne statsionarlyq beiindi mamandardyń baqylaýynda bolady. Shymkent qalasynda 500-ge jýyq naýqas dispanserlik esepte turady. Ol sozylmaly gemodializ alyp jatqan naýqastar. Kóbinese bizde operatsiia týystyq donormen júrgiziledi", - deidi qalalyq densaýlyq saqtaý basqarmasy basshysynyń orynbasary Aigúl Bekbaýova.
Al qaitys bolǵan donordyń ózge aǵzasy Astana men Almaty qalasyndaǵy emdeý mekemesine sanaviatsiiamen jetkizildi. Máiit donorlyǵyna marqumnyń týystary zańdy túrde kelisimin berdi. Osylaisha, qaitys bolǵan bir adam bes adamnyń ómirin saqtap qaldy.
