Foto: Halyq Uni
QMA Shymkent qalasy boiynsha departamenti asa iri kólemde biýdjet qarajatyn urlaý faktisi boiynsha Shymkent qalasy ákimdigi men memlekettik kommýnaldyq kásipornynyń laýazymdy tulǵalaryna qatysty isti tergep jatyr, dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, qalalyq kommýnaldyq kásipornynyń basshylyǵy qala ákimdiginiń baqylaýyndaǵy qosalqy merdigerlermen jáne laýazymdy tulǵalarmen, sondai-aq bir top adammen birlese otyryp, jumys pen taýarlardyń qunyn joǵarylatyp, jylý jelileri men elektr jelilerin aǵymdaǵy jóndeýge bólingen 1,1 mlrd. teńge somasynda biýdjet qarajatyn jymqyrdy degen kúdikke ilindi.
"Kúdiktiler sottyń sanktsiiasymen qamaýǵa alyndy.
Sheneýnikter zańsyz jolmen tapqan aqshany paidalanyp, Astanadaǵy elitalyq turǵyn úi keshenderinen quny 150 mln teńgeden asatyn jyljymaityn múlik satyp alǵan.
Tergeý sotynyń sanktsiiasymen barlyq múlikke tyiym salyndy.
Sotqa deiingi tergeý jalǵasyp jatyr" - delingen habarlamada.
QR QPK 201-babyna sáikes ózge de aqparat taratýǵa jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
