Shymkent ákimdiginiń aldynda bes myń dana gazqaǵar shashylyp jatyr. Tenderdi utyp alǵan kásipkerden tapsyrys berýshi ákimdik taýardy qabyldamai qoiypty. Ashýlanǵan jeke kásipker árqaisy 36 myń teńge turatyn 5 myń gazqaǵardy ǵimarattyń aldyna laqtyrdy, - dep habarlaidy Tengrinews.kz portaly KTK telearnasyna silteme jasap.
Telearna málimetinshe, kásipker áiel ótken jyly bes myń gazqaǵar jetkizý boiynsha tenderdi jeńip alǵan. Áiel reseilik zaýytqa tapsyrys berip, 160 million teńgeden astam aqsha jumsaǵan. Biraq kompaniiada shikizat taýsylyp, taýar belgilengen merzimde kelmegen.
Áieldiń aitýynsha, ol sheneýnikterge taýar belgilengen merzimde kelmeitinin eskertken. Biraq taýar kelgen kezde ákimdiktegiler eshkimge kerek emes ekenin aitqan. Qala ákimdigi kelisimshartty buzyp, kásipker áieldiń ústinen sotqa shaǵym túsirgen, sodan keiin ol osyndai qoiylym qoiǵan.
"Kompaniia taýardy tenderde belgilengen merzimnen keshiktirip berdi. Zań boiynsha biz sotqa júgindik. Eger sot taýardy alyp, kompaniianyń aqshasyn tóleýge mindettese, biz ony oryndaimyz", - deidi Shymkent qalasy ákimi apparatynyń mamandandyrylǵan bazasynyń meńgerýshisi Erdáýlet Qurmanǵazy.
