شىمكەنت ەكٸمدٸگٸنٸڭ الدىندا بەس مىڭ دانا گازقاعار شاشىلىپ جاتىر. تەندەردٸ ۇتىپ العان كەسٸپكەردەن تاپسىرىس بەرۋشٸ ەكٸمدٸك تاۋاردى قابىلداماي قويىپتى. اشۋلانعان جەكە كەسٸپكەر ەرقايسى 36 مىڭ تەڭگە تۇراتىن 5 مىڭ گازقاعاردى عيماراتتىڭ الدىنا لاقتىردى, - دەپ حابارلايدى Tengrinews.kz پورتالى كتك تەلەارناسىنا سٸلتەمە جاساپ.
تەلەارنا مەلٸمەتٸنشە, كەسٸپكەر ەيەل ٶتكەن جىلى بەس مىڭ گازقاعار جەتكٸزۋ بويىنشا تەندەردٸ جەڭٸپ العان. ەيەل رەسەيلٸك زاۋىتقا تاپسىرىس بەرٸپ, 160 ميلليون تەڭگەدەن استام اقشا جۇمساعان. بٸراق كومپانييادا شيكٸزات تاۋسىلىپ, تاۋار بەلگٸلەنگەن مەرزٸمدە كەلمەگەن.
ەيەلدٸڭ ايتۋىنشا, ول شەنەۋنٸكتەرگە تاۋار بەلگٸلەنگەن مەرزٸمدە كەلمەيتٸنٸن ەسكەرتكەن. بٸراق تاۋار كەلگەن كەزدە ەكٸمدٸكتەگٸلەر ەشكٸمگە كەرەك ەمەس ەكەنٸن ايتقان. قالا ەكٸمدٸگٸ كەلٸسٸمشارتتى بۇزىپ, كەسٸپكەر ەيەلدٸڭ ٷستٸنەن سوتقا شاعىم تٷسٸرگەن, سودان كەيٸن ول وسىنداي قويىلىم قويعان.
"كومپانييا تاۋاردى تەندەردە بەلگٸلەنگەن مەرزٸمنەن كەشٸكتٸرٸپ بەردٸ. زاڭ بويىنشا بٸز سوتقا جٷگٸندٸك. ەگەر سوت تاۋاردى الىپ, كومپانييانىڭ اقشاسىن تٶلەۋگە مٸندەتتەسە, بٸز ونى ورىندايمىز", - دەيدٸ شىمكەنت قالاسى ەكٸمٸ اپپاراتىنىڭ مامانداندىرىلعان بازاسىنىڭ مەڭگەرۋشٸسٸ ەردەۋلەت قۇرمانعازى.
