Shymkent qalasynyń aýmaǵynda karantin jáne shekteý sharalary 7 jeltoqsanǵa deiin uzartyldy, dep habarlaidy coronavirus2020.kz Telegram-kanaly.
Shymkenttiń Bas memlekettik sanitariialyq dárigeri Ábdimanap Tólebaevtiń jańa qaýlysyna sáikes:
- Ashyq alańda jumys jasaityn qoǵamdyq tamaqtandyrý obektileriniń jáne 50 orynǵa deiin arnalǵan ústelder ornalastyrylǵan úi-jaidaǵy qoǵamdyq tamaqtaný nysandarynyń (kafe, meiramhanalar, sport-barlar, ashanalar), onyń ishinde saýda, oiyn-saýyq keshenderiniń ishinde ornalasqan nysandardyń qyzmeti jumys, demalys jáne mereke kúnderi saǵat 07:00-den bastap 23:00-ge deiin shekteledi.
- Kelýshilerge qyzmet kórsetpeitin nysandar ádettegi rejimde jumysyn jalǵastyrady.
- Saltanatty, eske alý is-sharalaryn (banketter, toilar, eske alý, týǵan kúnder, mereitoilar, shyǵaryp salý, qudalyq, betashar jáne t.b.) ótkizýge tyiym salynady.
- Fýdkorttardyń, banket zaldarynyń jumysyna, qoǵamdyq tamaqtaný obektilerinde kalian qoldanýǵa tyiym salynady.
- AJB beketteri, AJB beketindegi dúkender, avto qosalqy bólshekter dúkenderi, AVTO-ekspress (tamaqty syrtqa shyǵarý), avtojýý, shinomontajdaý, tigin sheberhanalary, turmystyq tehnikany jóndeý obektileri, himiialyq tazalaý, kir jýý, telefondar men kompiýterlerdi jóndeý jumystary qalypty rejimde jumys jasai beredi.
- 50-den astam otyratyn orny bar qoǵamdyq tamaqtaný obektileri jumys istei almaidy. Bul rette jetkizýdi nemese shyǵarý rejiminde jumys isteitin qoǵamdyq tamaqtandyrý obektileri qalypty rejimde jumys isteidi.
- Qoǵamdyq kólik jumys kúnderi, mereke jáne demalys kúnderi 7:00-den 23:00-ge deiin júredi. Bul jaǵdaida jolaýshylar maska kiip, avtobýs tolymdylyǵy baqylaýda bolýy qajet.
