Shymkentte kámelet jasqa tolmaǵan qyzdardy jezókshelikke tartqan jeńgetailar ustaldy, dep habarlaidy QazAqparat.
«Stop-trafik» jedel-profilaktikalyq is-sharasyn ótkizý barysynda qaladaǵy jaldamaly páterlerdiń birinen jezókshelikpen ainalysatyn jeńil júristi áielder anyqtaldy. Olar Semei, Qaraǵandy, Taraz, Atyraý jáne Shymkent qalalarynyń turǵyndary bolyp shyqty.
«Qyzylorda oblysynan kelgen úsh áiel jeńil júristi áielderge qamqorlyq jasap, jezókshelikpen ainalysý úshin jaldamaly páterler taýyp berip otyrǵan. Sondai-aq, bul iske Qazaqstannyń basqa da azamattaryn, onyń ishinde Shymkent qalasynyń kámelet jasqa tolmaǵan eki azamatshasyn qatystyrǵany anyqtaldy», - delingen qalalyq Politsiia departamenti taratqan habarlamady.
Qazirgi tańda úsh áiel qamaýǵa alyndy. Atalǵan jait QR QK-niń 308-baby «Jezókshelikpen ainalysýǵa tartý» jáne 309-baby «Jezókshelikpen ainalysýǵa arnalǵan pritondar uiymdastyrý nemese olardy ustaý jáne jeńgetailyq» boiynsha tirkelip, sotqa deiingi tergeý amaldary júrgizilýde.
