Shymkenttik politseiler áleýmettik jelige monitoring júrgizý barysynda belgisiz adamnyń qala kósheleriniń birinde Opel Astra avtokóligine itti bailap alǵany túsirilgen videoǵa nazar aýdardy, - dep habarlaidy "Ult aqparat" POLICE_of_KZ Telegram-arnasyna silteme jasap.
QPD Jedel basqarý ortalyǵynyń inspektorlary "Qorǵaý" qosymshasy kómegimen kóliktiń qozǵalǵan orny men júrgizýshiniń jeke basyn anyqtaǵan.
"Ol Túrkistan oblysynyń turǵyny bolyp shyqty. Derekter Ál-Farabi aýdandyq PB-ǵa joldandy.
Er adamnyń sózinshe, ol kóship jatqan. Avtokóliktiń salonynda itke oryn bolmaǵandyqtan, ony kólikke bailaýdy uiǵarǵan", - delingen habarlamada.
Júrgizýshige qatysty QR ÁQBtK-niń 407-2-baby boiynsha ákimshilik hattama toltyrylǵan. Jinalǵan materialdar mamandandyrylǵan ákimshilik sotqa jiberiledi.
Sondai-aq er adammen profilaktikalyq túsindirme jumystary júrgizilgen.
