sýret ashyq derekkózden alyndy
Shymkentte zardap shekkenderge baspana nemese kólik alýǵa kómektesemin degen qarjy piramidasyn uiymdastyrýshy sottaldy, - dep habarlaidy "Ult aqparat" Qarjylyq monitoring agenttigine silteme jasap.
Vedomstvo málimetinshe, Shymkenttegi qarjy piramidasynyń uiymdastyrýshysy turǵyn úi nemese kólik alýǵa kómektesýdi usynǵan.
"Agenttiktiń Shymkent qalasy boiynsha departamenti PK "GAP" piramidasyna qatysty qylmystyq isti aiaqtady.
Elimizdiń ońtústik oblystarynyń turǵyndarymen mindetti kirý jarnasy 240 myń teńgeni quraityn turǵyn úi nemese avtokólik alýǵa járdemdesý jáne odan ári jinaqtaý úshin ai saiyn 75 myń teńge kóleminde qarajat tóleý týraly kelisimder jasaǵan kúdikti anyqtaldy", - delingen habarlamada.
Aqshasyn salǵan azamattar baspana men kólikti ala almaǵan.
QMA Shymkent qalasy boiynsha departamentine júgingen 33 azamatqa keltirilgen shyǵyn kólemi 77 million teńgeden asady. Sot úkimi boiynsha, uiymdastyrýshy kináli dep tanylyp, ol 6 jyl 8 aiǵa bas bostandyǵynan aiyrylǵan.
