Shymkenttegi "Romantic" gúl dúkeninde bolǵan eki oqiǵa úlken qoǵamdyq rezonans týdyrdy. Osyǵan bailanysty IIM baspasóz qyzmeti túsinikteme berdi, dep habarlaidy "Ult aqparat".
"Birinshi beinejazbada kórsetilgendei, aq fýtbolka kigen adam ústelden qaishyny alyp, gúl satýshyǵa qarai bet alady. Bul jait 8 tamyzda bolǵan.
Atalǵan jaǵdaiǵa qatysty politsiiaǵa satýshydan eshqandai aryz túsken joq. Quqyq buzýshylyq áleýmettik jelilerdi monitoring jasaý barysynda anyqtaldy.
Politsiia qyzmetkerleri buzaqyny anyqtap, Turan APB-na jetkizdi. K. esimdi azamat 1990 jyly týǵan Túrkistan oblysynyń týmasy bolyp shyqty. Shymkent qalasynda turady. Onyń ákesi - 1952 jyly týǵan zeinetker. Báidibek aýdanynda turady" - delingen habarlamada.
Vedomstvo málimetinshe, er adam sot qaýlysymen QR ÁQBtK-niń 434-baby ("Usaq buzaqylyq") boiynsha 7 táýlikke qamalǵan.
"Al ekinshi beinejazbada basqa, 1989 jyly týǵan B. esimdi azamat beinelengen. Ákesi joq, anasy - zeinetker.
Biyl 8 mamyrda er adam floristti qorlap, dúkennen gúl shoǵyn alyp ketken.
Turan APB-nyń 102 arnasyna janjal týraly qońyraý túsken. Oqiǵa ornyna ýchaskelik inspektorlar barǵan. Alaida dúken iesi mán-jaidy naqtylaý barysynda eshkimge shaǵymy joqtyǵyn aityp, aryz jazýdan bas tartqan.
Bul jaitqa qatysty Turan APB-da QR QK-niń 191-baby 2-bóligi 1-tarmaǵy ("Jábirlenýshiniń ómirine n/e densaýlyǵyna qaýipti emes kúsh qoldanyp tonaý") boiynsha sotqa deiingi tergeý bastaldy" - delingen habarlamada.
Sondai-aq istiń aq-qarasyn ajyratý kezinde qara fýtbolka kigen azamat biyl 19 mamyrda otbasylyq sebepterge bailanysty, óz ótinishimen Ishki ister organdarynan bosatylǵan Qarataý APB-nyń burynǵy qyzmetkeri ekeni anyqtalǵan.
