Foto: Polisia.kz
Shymkentte er adamnyń ólimine qatysy bar kúdikti ustaldy, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 26 qazanda Ál-Farabi APB-ǵa Táýke han kóshesi boiynda er adamnyń máiiti tabylǵany týraly habarlama túsken.
"Oqiǵa ornyna jetken jedel-tergeý toby qaitys bolǵan azamattyń jeke basyn anyqtady. Ol 1969 jyly týǵan jergilikti turǵyn bolyp shyqty.
Tekserý kezinde, eki er adamnyń arasynda týyndaǵan janjal barysynda jábirlenýshi basynan alǵan soqqydan kóz jumǵany anyqtaldy.
Bul derek QR QK-niń 106-babynyń 3-bóligi "Abaisyzda jábirlenýshiniń ólimine ákep soqqan densaýlyqqa qasaqana aýyr ziian keltirý" boiynsha SDTBT-ǵa tirkeldi" - delingen habarlamada.
Qabyldanǵan sharalardyń nátijesinde 42 jastaǵy kúdikti ustalyp, qamaýǵa alynǵan.
"Sot-meditsinalyq saraptama taǵaiyndaldy. Qazirgi tańda sotqa deiingi tergep-tekserý júrgizilip jatyr" - deidi vedomstvonyń baspasóz qyzmeti ókilderi.
