Shymkentte er adam liftide balaly áielge shabýyl jasady, - dep habarlaidy Tengrinews.kz tilshisi OTYRAR saityna silteme jasap.
Oqiǵa 25 mamyrda saǵat 8:43-te, boljam boiynsha "Nursát" shaǵynaýdanynda bolǵan.
Kýágerler "Otyrar" telearnasy redaktsiiasyna joldaǵan kadrlarda sábiler arbasymen liftige kirgen áieldiń artynan er adam kirgenin kórýge bolady.
Bir mezette ol áieldiń aýzyn jaýyp, arbadan ishinde aqsha bolýy múmkin paketti tartyp alady. Bir qolymen áieldiń aýzyn jaýyp turyp, ekinshi qolymen álgi paketti sómkesine salady. Osy kezde lift esigi ashylyp, sábili áiel qashyp shyǵady.
Shabýyl jasaǵan er adam balaly áielden ne tartyp alǵany ázirge belgisiz. Bul beinerolikti tártip saqshylary zertteidi.
"Shabýyl jasaýshy munymen toqtap qalǵan joq. Basqa qabattyń túimesin basqan ol, taǵy bir qurbanyn kútken bolýy da múmkin. Er adam basqa áiel kirgen sátte liftiden birer sekýndqa shyǵyp, qaita oralady. Dál osy jerde video úziledi", - delingen basylymda.
