Shymkent qalasynyń ákimi Murat Áitenov qalada epidemiologiialyq jaǵdaidyń jaqsarǵanyn málim etti, dep habarlaidy "Ult aqparat".
«Búgingi kúnge Shymkent qalasynda COVID-19 virýsyn juqtyrǵan azamattardyń sany 4 708 qurady. Ótken táýlikte 54 virýs juqtyrǵan adam tirkeldi. Osy aidyn basymen salystyrǵanda eki ese tómendeý baiqalady. Maýsym aiynyń alǵashqy bes kúninde 84-100 virýs juqtyrǵandar nemese ósimi 2,5-3 paiyz qurady. Osy kezeńde 2 938 azamat emdelip shyqty. Ókinishke qarai, 31 azamat qaitys boldy», - dedi Murat Áitenov Úkimet otyrysynda.
Onyń aitýynsha, infektsiialyq jáne provizorlyq statsionarlarda der kezinde qosymsha 3 050 tósek orny uiymdastyrylyp, oryn sany 3 860-qa jetkizilgen. Onyń ishinde reanimatsiialyq tósek ornynyń sany 30 orynnan 151 orynǵa deiin ulǵaitylǵan. Qosymsha 58 tynys alý apparaty, 250 «Bobrov» tynys alý apparattary jáne 26 reanimatsiialyq monitorlar alynǵan.
«Atqarylǵan jumystar qalada epidemiologiialyq jaǵdaidyń jaqsarýyna óz áserin tigizdi. Atap aitqanda jedel járdem kómegin shaqyrtýlar sany kúnine 2 320-dan 1321 deiin, iaǵni 43 paiyzǵa azaidy. Statsionarlarda em alýshylardyń sany aǵymdaǵy jylǵy shilde aiynyń birinshi onkúndiginde 2 882 adamǵa ósken bolsa, búgingi kúnde 1240 adamǵa deiin, iaǵni 56,9 paiyzǵa tómendedi. Statsionarlardaǵy tósek orynnyń júktemesi osy aidyn basynda 78,7 paiyzdy qurasa, búgingi tańda 33 paiyzǵa deiin kemidi», - dedi ol.
