Foto: Polisia.kz
Esirtki qylmysyna qarsy is-qimyl basqarmasynyń qyzmetkerleri jedel is-sharalar barysynda qala aýmaǵynda psihotroptyq zattar qoiyp ketýmen ainalysqan boijetkendi ustady, – dep habarlaidy Polisia.kz.
“Jumysqa” shyqqan avtoledi politseilerdi baiqap, esirtki oramynan tezirek qutylý úshin, ony joldyń shetinde turǵan kóliginiń astyna laqtyryp jibergen.
"Jedel qyzmetkerler býmanyń ishinen bir rettik 20 doza “sintetika” tapty. Sondai-aq ustalǵan boijetkenniń kóliginiń salonyn tekserý kezinde taǵy bir shaǵyn oram gashish tárkilendi. Buǵan qosa, oń jaq eden kilemshesiniń astynan qupiia oryndardy qazýǵa arnalǵan pyshaq tabyldy.
Tergeýshiler bul jaitty QR QK-niń 297-baby (Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) boiynsha SDTBT-ǵa tirkedi" - delingen habarlamada.
Boijetken jaqynda ǵana meditsina salasyndaǵy qyzmetinen otstavkaǵa ketkendigi belgili boldy.
"Qazir atalǵan jait boiynsha Eńbekshi aýdandyq politsiia basqarmasy sotqa deiingi tergeý amaldaryn júrgizip jatyr. Kúdikti qamaýǵa alyndy", – dedi esirtkimen kúresýshi Baýyrjan Qarbekov.
Politsiia qyzmetkerleri esirtkini satý maqsatynda zańsyz paidalaný bas bostandyǵynan aiyrý jazasyna ákeletinin eskertedi.
