فوتو: Polisia.kz
ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ جەدەل ٸس-شارالار بارىسىندا قالا اۋماعىندا پسيحوتروپتىق زاتتار قويىپ كەتۋمەن اينالىسقان بويجەتكەندٸ ۇستادى, – دەپ حابارلايدى Polisia.kz.
“جۇمىسقا” شىققان اۆتولەدي پوليتسەيلەردٸ بايقاپ, ەسٸرتكٸ ورامىنان تەزٸرەك قۇتىلۋ ٷشٸن, ونى جولدىڭ شەتٸندە تۇرعان كٶلٸگٸنٸڭ استىنا لاقتىرىپ جٸبەرگەن.
"جەدەل قىزمەتكەرلەر بۋمانىڭ ٸشٸنەن بٸر رەتتٸك 20 دوزا “سينتەتيكا” تاپتى. سونداي-اق ۇستالعان بويجەتكەننٸڭ كٶلٸگٸنٸڭ سالونىن تەكسەرۋ كەزٸندە تاعى بٸر شاعىن ورام گاشيش تەركٸلەندٸ. بۇعان قوسا, وڭ جاق ەدەن كٸلەمشەسٸنٸڭ استىنان قۇپييا ورىنداردى قازۋعا ارنالعان پىشاق تابىلدى.
تەرگەۋشٸلەر بۇل جايتتى قر قك-نٸڭ 297-بابى (ەسٸرتكٸ, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, يەمدەنۋ, ساقتاۋ, تاسىمالداۋ, جٶنەلتۋ نە ٶتكٸزۋ) بويىنشا سدتبت-عا تٸركەدٸ" - دەلٸنگەن حابارلامادا.
بويجەتكەن جاقىندا عانا مەديتسينا سالاسىنداعى قىزمەتٸنەن وتستاۆكاعا كەتكەندٸگٸ بەلگٸلٸ بولدى.
"قازٸر اتالعان جايت بويىنشا ەڭبەكشٸ اۋداندىق پوليتسييا باسقارماسى سوتقا دەيٸنگٸ تەرگەۋ امالدارىن جٷرگٸزٸپ جاتىر. كٷدٸكتٸ قاماۋعا الىندى", – دەدٸ ەسٸرتكٸمەن كٷرەسۋشٸ باۋىرجان قاربەكوۆ.
پوليتسييا قىزمەتكەرلەرٸ ەسٸرتكٸنٸ ساتۋ ماقساتىندا زاڭسىز پايدالانۋ باس بوستاندىعىنان ايىرۋ جازاسىنا ەكەلەتٸنٸن ەسكەرتەدٸ.
