Shymkentte eki otbasynyń 11 múshesi COVID-19 infektsiiasyn juqtyrdy. Bul týraly qalalyq tótenshe jaǵdailar shtabynan málim etti, dep habarlaidy "Ult aqparat".
18 sáýir kúni (tańerteńgi 09.30-daǵy málimet) Shymkent qalasynda indet 11 adamnan anyqtalǵan bolatyn.
«Naýqastar 1956, 2004, 1978, 1981, 1977, 1992, 1967, 1946, 1969, 1968, 1979 jyldary týǵan Shymkent qalasynyń turǵyndary. Olar koronavirýs infektsiiasyn juqtyrǵan adamdarmen qarym-qatynasta bolýyna bailanysty buǵan deiin karantindik statsionarǵa jatqyzylǵan jáne zerthanalyq synama alyndy. Aýrý juqtyrǵan 11 azamat eki otbasynyń músheleri.
PTR diagnostikalyq zertteý qorytyndysymen COVID-19 diagnozy naqtylandy.
Qazirgi tańda naýqastardyń jaǵdaiy qanaǵattanarlyq. Bekitilgen hattamaǵa sáikes tiisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda», - delingen habarlamada.
Qalalyq shtabtyń málimetinshe, aýrý oshaqtarynda epidzertteý men dezinfektsiialyq jumystar júrgizilýde. Osy jaǵdaiǵa bailanysty qala aýmaǵyndaǵy Túrkistan oblystyq psihikalyq densaýlyq ortalyǵy men «Samal 2» shaǵynaýdany, Tassai turǵyn alaby qaýipti oshaq retinde tirkeýge alyndy.
