Shymkentte memleketke 3 mlrd teńge shyǵyn keltirgen eki qylmystyq toptyń qyzmeti toqtatyldy. Bul týraly QR Qarjylyq monitoring agenttiginen málim etti, dep habarlaidy QazAqparat.
Qarjylyq monitoring agenttiginiń Shymkent qalasy boiynsha aýmaqtyq departamenti jalǵan shot-faktýralardy jazyp berýmen ainalysatyn eki qylmystyq topqa qatysty sotqa deiingi tergep-tekserýdi aiaqtaǵan.
«8 adamnan turatyn qylmystyq toptardyń biri 2018-2020 jyldar aralyǵynda kontragent kásiporyndarǵa materialdyq syiaqy úshin jalǵan býhgalterlik qujattar jazyp berýmen ainalysqan. Qylmystyq shemanyń negizgi uiymdastyrýshysynyń úiinde qujattary men mórleri tabylǵan 16 sharýashylyq júrgizýshi sýbektige osy UQT-nyń qatysy bar ekendigi anyqtaldy.
Ekinshi qylmystyq top bir kúndik 21 kompaniianyń atynan taýarlar men qyzmetterdi jetkizýge uqsas jalǵan mámileler jasasqan. Bul rette, sharttar boiynsha jumys kólemi is júzinde oryndalmaǵan.
Saldarynan memleketke 3,1 mlrd teńge somasyna salyq tólengen joq», - delingen agenttik málimetinde.
Qazirgi ýaqytta qylmystyq ister sotta qaralýda.
