شىمكەنتتە مەملەكەتكە 3 ملرد تەڭگە شىعىن كەلتٸرگەن ەكٸ قىلمىستىق توپتىڭ قىزمەتٸ توقتاتىلدى. بۇل تۋرالى قر قارجىلىق مونيتورينگ اگەنتتٸگٸنەن مەلٸم ەتتٸ, دەپ حابارلايدى قازاقپارات.
قارجىلىق مونيتورينگ اگەنتتٸگٸنٸڭ شىمكەنت قالاسى بويىنشا اۋماقتىق دەپارتامەنتٸ جالعان شوت-فاكتۋرالاردى جازىپ بەرۋمەن اينالىساتىن ەكٸ قىلمىستىق توپقا قاتىستى سوتقا دەيٸنگٸ تەرگەپ-تەكسەرۋدٸ اياقتاعان.
«8 ادامنان تۇراتىن قىلمىستىق توپتاردىڭ بٸرٸ 2018-2020 جىلدار ارالىعىندا كونتراگەنت كەسٸپورىندارعا ماتەريالدىق سىياقى ٷشٸن جالعان بۋحگالتەرلٸك قۇجاتتار جازىپ بەرۋمەن اينالىسقان. قىلمىستىق سحەمانىڭ نەگٸزگٸ ۇيىمداستىرۋشىسىنىڭ ٷيٸندە قۇجاتتارى مەن مٶرلەرٸ تابىلعان 16 شارۋاشىلىق جٷرگٸزۋشٸ سۋبەكتٸگە وسى ۇقت-نىڭ قاتىسى بار ەكەندٸگٸ انىقتالدى.
ەكٸنشٸ قىلمىستىق توپ بٸر كٷندٸك 21 كومپانييانىڭ اتىنان تاۋارلار مەن قىزمەتتەردٸ جەتكٸزۋگە ۇقساس جالعان مەمٸلەلەر جاساسقان. بۇل رەتتە, شارتتار بويىنشا جۇمىس كٶلەمٸ ٸس جٷزٸندە ورىندالماعان.
سالدارىنان مەملەكەتكە 3,1 ملرد تەڭگە سوماسىنا سالىق تٶلەنگەن جوق», - دەلٸنگەن اگەنتتٸك مەلٸمەتٸندە.
قازٸرگٸ ۋاقىتتا قىلمىستىق ٸستەر سوتتا قارالۋدا.
