Shymkent qalasynda bútin bir otbasy músheleri taǵamnan ýlanyp, eki birdei búldirshin qaitys boldy. Bul týraly qalalyq tótenshe jaǵdailar departamentiniń baspasóz qyzmeti habarlady.
3 qarashada, tańerteńgi saǵat 10-da úsh balasymen birge anasy "tamaqtan ýlanǵan" degen aldyn-ala qoiylǵan diagnozben juqpaly aýrýlar aýrýhanasyna túsken. Keiinirek 2015 jáne 2018 jyly týǵan uldary aýrýhanada kóz jumǵan.
«Saǵat 11-00-de juqpaly aýrýlar aýrýhanasynda 2015 jylǵy bala qaitys boldy. Keiin saǵat 14-00-de toksikologiia bóliminde 2018 jyly týǵan bala kóz jumdy. Ólimniń sebebi anyqtalýda, sot-meditsinalyq saraptama taǵaiyndaldy» dep málimdedi Shymkent qalalyq tótenshe jaǵdailar departamentiniń baspasóz qyzmeti.
Otbasy Eńbekshi aýdanyndaǵy Aldiiarov kóshesindegi kópqabatty úide turǵan. Úide ortalyqtan beriletin jylý bar, alaida ortalyqtandyrylǵan gazdandyrý joq.
Ákesiniń aitýynsha, 3 qarasha kúni tańǵy 4:40 shamasynda jedel járdem qyzmeti kelgen. «Tamaqtan ýlaný» diagnozyn qoiyp, em taǵaiyndaǵan. Jaǵdailary nasharlai bastaǵan soń taǵy da jedel járdem qyzmetin shaqyrǵan. Dárigerler anasy men úsh balasyn qalalyq juqpaly aýrýlar aýrýhanasyna jetkizgen.
Anasy men qyzy qazir Shymkent qalalyq giperbariialyq oksinatsiialyq ortalyǵynda em qabyldap jatyr.
