Foto: Polisia.kz
Shymkentte dúkenderge shatyr arqyly kirgen ákki ury ustaldy, – dep habarlaidy Polisia.kz.
Qalalyq Abai APB-ǵa birdei mazmundy úsh aryz túsken. Zardap shekkender – Qainar bulaq saiajaiynyń aýmaǵynda ornalasqan dúken ieleri. Saýda núktelerindegi urlyq túngi ýaqytta jasalǵan. Barlyq jaǵdaida kúdikti ǵimarattardyń shatyryn ashyp, tóbeni buzý arqyly ishke kirgen.
"Ury eki dúkenniń kassasynan jalpy somasy 130 myń teńge jymqyrdy. Al úshinshi kásipkerden smartfon, aqsha jáne sóredegi alkogoldik sýsyndar men temeki ónimderin qoldy etken. Oǵan keltirilgen shyǵyn 1 mln teńgeden asty.
Zańsyz kirý arqyly jasalǵan urlyq derekterin tergep-tekserýdi aǵa tergeýshi Bibarys Bagov qolǵa aldy. Tártip saqshysy áriptesterimen birge qylmys oryndaryn, jábirlenýshilerdiń aiǵaqtaryn muqiiat zerttep, barlyq kýágerlerden jaýap aldy.
Politseiler atalǵan jaittardy ashý barysynda beinebaqylaý kameralarynyń kómegimen kúdiktiniń jeke basyn anyqtady.
Ol buryn osyǵan uqsas qylmys jasaǵany úshin jaýapkershilikke tartylǵan jergilikti turǵyn bolyp shyqty. Qabyldanǵan sharalardyń nátijesinde jas jigit ustalyp, qamaýǵa alyndy. Onyń taǵy eki saiajai urlyǵyna qatysy bar ekendigi anyqtaldy" - delingen habarlamada.
Ol alǵashynda bireýdiń úiiniń aýlasynan velosiped urlasa, keiin zeinetkerdiń úiinen uialy telefony men kiim-keshekterdi jymqyrǵan.
Qazirgi tańda QR QK-niń 188-baby 3-bóligi (Urlyq) boiynsha sotqa deiingi tergeý áreketteri júrgizilip jatyr.
Aldaǵy ýaqytta is-qujattar barlyq jinalǵan dáleldemelermen sotqa joldanady.
