فوتو: Polisia.kz
شىمكەنتتە دٷكەندەرگە شاتىر ارقىلى كٸرگەن ەككٸ ۇرى ۇستالدى, – دەپ حابارلايدى Polisia.kz.
قالالىق اباي اپب-عا بٸردەي مازمۇندى ٷش ارىز تٷسكەن. زارداپ شەككەندەر – قاينار بۇلاق ساياجايىنىڭ اۋماعىندا ورنالاسقان دٷكەن يەلەرٸ. ساۋدا نٷكتەلەرٸندەگٸ ۇرلىق تٷنگٸ ۋاقىتتا جاسالعان. بارلىق جاعدايدا كٷدٸكتٸ عيماراتتاردىڭ شاتىرىن اشىپ, تٶبەنٸ بۇزۋ ارقىلى ٸشكە كٸرگەن.
"ۇرى ەكٸ دٷكەننٸڭ كاسساسىنان جالپى سوماسى 130 مىڭ تەڭگە جىمقىردى. ال ٷشٸنشٸ كەسٸپكەردەن سمارتفون, اقشا جەنە سٶرەدەگٸ الكوگولدٸك سۋسىندار مەن تەمەكٸ ٶنٸمدەرٸن قولدى ەتكەن. وعان كەلتٸرٸلگەن شىعىن 1 ملن تەڭگەدەن استى.
زاڭسىز كٸرۋ ارقىلى جاسالعان ۇرلىق دەرەكتەرٸن تەرگەپ-تەكسەرۋدٸ اعا تەرگەۋشٸ بيبارىس باگوۆ قولعا الدى. تەرتٸپ ساقشىسى ەرٸپتەستەرٸمەن بٸرگە قىلمىس ورىندارىن, جەبٸرلەنۋشٸلەردٸڭ ايعاقتارىن مۇقييات زەرتتەپ, بارلىق كۋەگەرلەردەن جاۋاپ الدى.
پوليتسەيلەر اتالعان جايتتاردى اشۋ بارىسىندا بەينەباقىلاۋ كامەرالارىنىڭ كٶمەگٸمەن كٷدٸكتٸنٸڭ جەكە باسىن انىقتادى.
ول بۇرىن وسىعان ۇقساس قىلمىس جاساعانى ٷشٸن جاۋاپكەرشٸلٸككە تارتىلعان جەرگٸلٸكتٸ تۇرعىن بولىپ شىقتى. قابىلدانعان شارالاردىڭ نەتيجەسٸندە جاس جٸگٸت ۇستالىپ, قاماۋعا الىندى. ونىڭ تاعى ەكٸ ساياجاي ۇرلىعىنا قاتىسى بار ەكەندٸگٸ انىقتالدى" - دەلٸنگەن حابارلامادا.
ول العاشىندا بٸرەۋدٸڭ ٷيٸنٸڭ اۋلاسىنان ۆەلوسيپەد ۇرلاسا, كەيٸن زەينەتكەردٸڭ ٷيٸنەن ۇيالى تەلەفونى مەن كيٸم-كەشەكتەردٸ جىمقىرعان.
قازٸرگٸ تاڭدا قر قك-نٸڭ 188-بابى 3-بٶلٸگٸ (ۇرلىق) بويىنشا سوتقا دەيٸنگٸ تەرگەۋ ەرەكەتتەرٸ جٷرگٸزٸلٸپ جاتىر.
الداعى ۋاقىتتا ٸس-قۇجاتتار بارلىق جينالعان دەلەلدەمەلەرمەن سوتقا جولدانادى.
