Shymkentte bútindei bir otbasyn qyryp salǵan kúdiktige sot úkimi shyqty, dep habarlaidy Sputnik Qazaqstan.
Sot aqpan aiynda bolǵan qandy oqiǵaǵa qatysty sońǵy núkteni qoidy.
Esterińizde bolsa, aqpannyń segizi Shymkentte bir otbasynyń úsh múshesin óltirip ketken edi.
Tergeý barysynda anyqtalǵandai, bul qandy oqiǵaǵa kompiýter oiyny sebep bolǵan. 21 jastaǵy turǵyn 26 jastaǵy azamatpen oiyn oinap, 250 myń teńge qaryz bolyp qalady. Qaryzyn qalai da bolsa alýdy kózdegen azamat ózdiginshe jospar qurady da, bereshek bolyp qalǵan jigittiń úiine barady. Esikti onyń jasóspirim inisi ashqan sátte aýyr zatpen uryp óltiredi. Keiin ózine qaryz bolǵan jigitti jáne onyń 50 jastaǵy anasyn da o dúnielik etedi. Úsh birdei adamdy qyryp salǵan ol úiden kompiýter, eki uialy telefon jáne 50 myń teńgeni qoldy etedi. Oqiǵa bolǵan kúnnen eki kún ótken soń politseiler ony Taraz qalasynda ustady.
Sýdia aiyptalýshy azamatqa eń aýyr jazany taǵaiyndady. Endi ol ómiriniń sońyna deiin túrmede otyrady.
