Shymkentte boijetkendi kólikke kúshtep otyrǵyzǵandarǵa qatysty qylmystyq is qozǵaldy. Bul týraly qalalyq Politsiia departamenti resmi habarlama taratty, dep habarlaidy "Ult aqparat".
Aita keteiik, áleýmettik jelide qaladaǵy kópqabatty úilerdiń biriniń aýlasynda belgisiz tulǵalar azamatshany avtokólikke kúshtep otyrǵyzyp alyp ketkendigi týraly beinejazba taraǵan bolatyn. Oqiǵa ornyna kelgen jedel-tergeý toby sol mańdaǵy beinebaqylaý kameralardyń birine osy oqiǵa túsip qalǵanyn anyqtap, beinejazbany teksergen. Sondai-aq, jaqyn mańda turatyn turǵyndarynan surap, atalǵan beine jazbany túsirip alǵan azamatshadan ja jaýap alǵan.
«Atalǵan derek boiynsha QR QK-niń 126-babynyń 2-bóliginiń 1- tarmaǵymen (bas bostandyǵynan zańsyz aiyrý) sotqa deiińgi tergep-tekserý amaldary bastalǵan. Qazirgi tańda politsiia qyzmetkerleri atalǵan oqiǵaǵa qatysty barlyq tulǵalardy anyqtaýǵa baǵyttalǵan jedel is-sharalar júrgizýde» delingen habarlamada.
