شىمكەنتتە بويجەتكەندٸ كٶلٸككە كٷشتەپ وتىرعىزعاندارعا قاتىستى قىلمىستىق ٸس قوزعالدى. بۇل تۋرالى قالالىق پوليتسييا دەپارتامەنتٸ رەسمي حابارلاما تاراتتى, دەپ حابارلايدى "ۇلت اقپارات".
ايتا كەتەيٸك, ەلەۋمەتتٸك جەلٸدە قالاداعى كٶپقاباتتى ٷيلەردٸڭ بٸرٸنٸڭ اۋلاسىندا بەلگٸسٸز تۇلعالار ازاماتشانى اۆتوكٶلٸككە كٷشتەپ وتىرعىزىپ الىپ كەتكەندٸگٸ تۋرالى بەينەجازبا تاراعان بولاتىن. وقيعا ورنىنا كەلگەن جەدەل-تەرگەۋ توبى سول ماڭداعى بەينەباقىلاۋ كامەرالاردىڭ بٸرٸنە وسى وقيعا تٷسٸپ قالعانىن انىقتاپ, بەينەجازبانى تەكسەرگەن. سونداي-اق, جاقىن ماڭدا تۇراتىن تۇرعىندارىنان سۇراپ, اتالعان بەينە جازبانى تٷسٸرٸپ العان ازاماتشادان جا جاۋاپ العان.
«اتالعان دەرەك بويىنشا قر قك-نٸڭ 126-بابىنىڭ 2-بٶلٸگٸنٸڭ 1- تارماعىمەن (باس بوستاندىعىنان زاڭسىز ايىرۋ) سوتقا دەيٸڭگٸ تەرگەپ-تەكسەرۋ امالدارى باستالعان. قازٸرگٸ تاڭدا پوليتسييا قىزمەتكەرلەرٸ اتالعان وقيعاعا قاتىستى بارلىق تۇلعالاردى انىقتاۋعا باعىتتالعان جەدەل ٸس-شارالار جٷرگٸزۋدە» دەلٸنگەن حابارلامادا.
