Foto: Polisia.kz
Shymkentte bopsalaýshylar toby qamaýǵa alyndy. Ustalǵandar eki kásipkerge kúsh qoldanyp, olardyń kóligin zańsyz iemdenip alǵan, – dep habarlaidy Polisia.kz.
"Qalalyq PD-nyń uiymdasqan qylmysqa qarsy kúres basqarmasynyń qyzmetkerleri arnaiy operatsiia barysynda bopsalaýshylar tobyn quryqtady. Top músheleri – 20-40 jas aralyǵyndaǵy azamattar. Olardyń basym bóligi buryn birneshe ret qylmystyq jaýapkershilikke tartylǵan.
Ustalǵandar uzaq ýaqyt boiy jergilikti eki kásipkerden qoqan-loqy kórsetý jáne kúsh qoldaný arqyly aqsha bopsalaǵan, sondai-aq BMW men VA3-2114 avtokólikterin zańsyz iemdenip alǵan. Tekserý kezinde tórt atys qarýy, oq-dárilerimen, esirtki quraldary jáne ózge de zattai aiǵaqtar tárkilendi.
Politsiiaǵa 10 adam jetkizildi, onyń ishinde toptyń eń belsendi tórt múshesi qamaýǵa alyndy" - delingen media-portal usynǵan málimette.
Qazirgi ýaqytta QR Qylmystyq kodeksiniń birneshe baby boiynsha sotqa deiingi tergeý júrgizilip jatyr.
