Shymkentte belgisiz bireýler kóshede ketip bara jatqan kelinshekti ólimshi etip sabap, zorlap ketken. Áieldi jábirlegender tipti onyń basynan tselofan paket kigizip, tunshyqtyryp óltirmek bolǵan, dep habarlaidy "Ult aqparat".
Atalǵan jantúrshigerlik oqiǵa jaiynda NeMolchiKZ qoǵamdyq qorynyń ókilderi áleýmettik jelide jariia etti. Feisbýk áleýmettik paraqshasynda jariialanǵan aqparatta qylmystyq oqiǵa 26 mamyr kúni oryn alǵanyn habarlaǵan. Jábirlenýshi keshkisin óz úiine bara jatqan kezde oǵan bir top adam shabýyl jasaǵan. Olar ustalǵan áieldi uryp-soǵyp, tsellofan paketpen tunshyqtyrýǵan tyrysqan. Tisin túk qaldyrmai syndyryp, jaǵynyń úsh jerine jaryqshaq túsken. Miy shaiqalyp, esinen tanyp qalǵan. Qylmyskerler ony óldi dep oilap, denesin butaqtarmen jaýyp ketken. Alaida saý tamtyǵy qalmaǵan áiel esin jinap, áreń degende úiine jetken.
«Onyń túrin tanyp bolmaidy. Bul jaǵdaidy kórgen kúieýi men balalary jaǵalaryn ustap otyr. Jábirlenýshiniń joldasy eger áieli qaitys bolǵan bolsa, ony tek qana denesindegi qaly men kiimderi arqyly tanýǵa bolatynyn aitqan. Zardap shegýshiniń ózi de aýyr shok alǵan. Alǵashqy kúnderi ol qoryqqannan qylmys faktilerin joqqa shyǵaryp, tis jaryp eshteńe aitpady. Jáne áli kúnge deiin jaýap bermedi» delingen qor ókilderiniń paraqshasynda.
Al, qorǵa vatsap jelisimen jiberilgen sýretterge qarap bolmaidy. Onda kelinshektiń beti men denesinde kógergen izder kóp. Ondaǵy jazbalarda jábirlenýshini qatty urǵany sonshalyq, qabyrǵalary synyp ketkenin kórsetken. Sondai–aq, tisteri túgel synyp, jaq súiekteri salbyrap qalǵany aitylǵan. Jábirlenýshi tek aýyrǵandy basatyn ekpemen ǵana kúneltip kele jatqany jazylǵan.
Politsiia departamentiniń baspasóz qyzmeti b ul jaǵdai boiynsha qylmystyq is qozǵalyp, tergeý amaldary júrgizilip jatqanyn habarlady. Ázirge kúdiktiler ustalmaǵan. Resmi aqparat qalalyq prokýratýranyń kelisimin alýǵa joldanǵan. Degenmen bul isti Politsiia departamentiniń bastyǵy óz baqylaýyna alǵan.
