شىمكەنتتە بەلگٸسٸز بٸرەۋلەر كٶشەدە كەتٸپ بارا جاتقان كەلٸنشەكتٸ ٶلٸمشٸ ەتٸپ ساباپ, زورلاپ كەتكەن. ەيەلدٸ جەبٸرلەگەندەر تٸپتٸ ونىڭ باسىنان تسەلوفان پاكەت كيگٸزٸپ, تۇنشىقتىرىپ ٶلتٸرمەك بولعان, دەپ حابارلايدى "ۇلت اقپارات".
اتالعان جانتٷرشٸگەرلٸك وقيعا جايىندا نەمولچيKZ قوعامدىق قورىنىڭ ٶكٸلدەرٸ ەلەۋمەتتٸك جەلٸدە جارييا ەتتٸ. فەيسبۋك ەلەۋمەتتٸك پاراقشاسىندا جارييالانعان اقپاراتتا قىلمىستىق وقيعا 26 مامىر كٷنٸ ورىن العانىن حابارلاعان. جەبٸرلەنۋشٸ كەشكٸسٸن ٶز ٷيٸنە بارا جاتقان كەزدە وعان بٸر توپ ادام شابۋىل جاساعان. ولار ۇستالعان ەيەلدٸ ۇرىپ-سوعىپ, تسەللوفان پاكەتپەن تۇنشىقتىرۋعان تىرىسقان. تٸسٸن تٷك قالدىرماي سىندىرىپ, جاعىنىڭ ٷش جەرٸنە جارىقشاق تٷسكەن. ميى شايقالىپ, ەسٸنەن تانىپ قالعان. قىلمىسكەرلەر ونى ٶلدٸ دەپ ويلاپ, دەنەسٸن بۇتاقتارمەن جاۋىپ كەتكەن. الايدا ساۋ تامتىعى قالماعان ەيەل ەسٸن جيناپ, ەرەڭ دەگەندە ٷيٸنە جەتكەن.
«ونىڭ تٷرٸن تانىپ بولمايدى. بۇل جاعدايدى كٶرگەن كٷيەۋٸ مەن بالالارى جاعالارىن ۇستاپ وتىر. جەبٸرلەنۋشٸنٸڭ جولداسى ەگەر ەيەلٸ قايتىس بولعان بولسا, ونى تەك قانا دەنەسٸندەگٸ قالى مەن كيٸمدەرٸ ارقىلى تانۋعا بولاتىنىن ايتقان. زارداپ شەگۋشٸنٸڭ ٶزٸ دە اۋىر شوك العان. العاشقى كٷندەرٸ ول قورىققاننان قىلمىس فاكتٸلەرٸن جوققا شىعارىپ, تٸس جارىپ ەشتەڭە ايتپادى. جەنە ەلٸ كٷنگە دەيٸن جاۋاپ بەرمەدٸ» دەلٸنگەن قور ٶكٸلدەرٸنٸڭ پاراقشاسىندا.
ال, قورعا ۆاتساپ جەلٸسٸمەن جٸبەرٸلگەن سۋرەتتەرگە قاراپ بولمايدى. وندا كەلٸنشەكتٸڭ بەتٸ مەن دەنەسٸندە كٶگەرگەن ٸزدەر كٶپ. ونداعى جازبالاردا جەبٸرلەنۋشٸنٸ قاتتى ۇرعانى سونشالىق, قابىرعالارى سىنىپ كەتكەنٸن كٶرسەتكەن. سونداي–اق, تٸستەرٸ تٷگەل سىنىپ, جاق سٷيەكتەرٸ سالبىراپ قالعانى ايتىلعان. جەبٸرلەنۋشٸ تەك اۋىرعاندى باساتىن ەكپەمەن عانا كٷنەلتٸپ كەلە جاتقانى جازىلعان.
پوليتسييا دەپارتامەنتٸنٸڭ باسپاسٶز قىزمەتٸ ب ۇل جاعداي بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلٸپ جاتقانىن حابارلادى. ەزٸرگە كٷدٸكتٸلەر ۇستالماعان. رەسمي اقپارات قالالىق پروكۋراتۋرانىڭ كەلٸسٸمٸن الۋعا جولدانعان. دەگەنمەن بۇل ٸستٸ پوليتسييا دەپارتامەنتٸنٸڭ باستىعى ٶز باقىلاۋىنا العان.
