Shymkentte 50 turǵynnan COVID-19 diagnozy naqtylandy. Onyń ishinde 24 naýqas virýsty juqtyrǵandarmen jaqyn qarym-qatynasta bolǵan, dep habarlaidy "Ult aqparat".
Qalalyq tótenshe jaǵdai shtabynyń málimetinshe, indet juqtyrǵandardyń 5-i JRVI belgilerimen aýrýhanaǵa jatqyzylǵan. Al, qalǵan 21-inen virýs skrining nátijesinde anyqtalǵan. Búginde COVID-19 diagnozy rastalǵan turǵyndardyń barlyǵy infektsiialyq statsionarda em alýda.
«Qazirgi tańda naýqastardyń jaǵdaiy birqalypty. Bekitilgen hattamaǵa sáikes tiisti em júrgizilýde. Aýrý oshaqtarynda dezinfektsiialyq jumystar jasaldy» delingen habarlamada.
Aita keteiik, sońǵy táýliktegi málimet boiynsha qalada COVID-19 infektsiiasyn juqtyrǵandar sany 485 adamǵa jetti.
