Shymkentte úsh adamdy óltirdi degen kúdikpen 1991 jyly týǵan jigit ustaldy, dep habarlaidy sputniknews.kz TVK arnasyna silteme jasap.
Telearnanyń málimetinshe, kúdikti keshe Taraz temirjol vokzalynda ustalǵan.
Kúdikti otbasyndaǵy úlken uldyń dosy bolǵan, olar Dota kibersport oiynyna áýestenipti. Kúdiktiniń óziniń aitýynsha, dosy taiaýda dúkennen qymbat kompiýter protsessoryn satyp alǵan kezde onymen birge bolǵan. Qaskúnem úige sony urlaý úshin kirgen bolýy múmkin.
BAQ-tyń málimetinshe, ustalǵan jigit aldymen úidi ainala sholyp shyqqan, ishte eshkim joq ekenine kóz jetkizgen soń ol qaqpadan qarǵyp túsken.
Alaida úide dosynyń anasy bolǵan, ol áieldi kastetpen uryp óltiripti. Osy kezde úige kirip kelgen úlken uldy, iaǵni óziniń dosyn ústeldegi pyshaqpen óltirgen. 13 jastaǵy kishi uldy kúdikti tunshyqtyryp tastaǵan.
Esterińizge salaiyq, Shymkenttegi úilerdiń birinen úsh máiit tabylǵan bolatyn. Tragediia 8 aqpan kúni qalanyń Abai aýdanynda bolǵan.
